Rein Boersma boeken - Mei in glimke

Flitsen út myn wethâldersbestean

It glimke fan Boersma

Tusken 1890 en 1990 sit de tiid fan wethâlders as trouwe tsjinners fan de mienskip, mei in part time beleanning fan in full time portefeuille. Se hiene in fleksibele klok mei in folle aginda, en in skerp each foar de sifers. Fan sokken hoegde men gjin belizzings fan miljoenen by in Iislânske bank om in persint rinteferskil te ferwachtsjen. It jild stiet ommers feiliger op ‘e Bank Nederlandse Gemeenten.

De 57-jierrige Rein Boersma fan Skettens, wethâlder sûnt 1998, is sa’n ien. Mei syn fine gefoel foar humor kin er alles relativearje, ek dingen en minsken dy’t er serieus nimt. Boersma skatteret der ornaris net om, mar glimket. Dat glimke is suver syn skaaimerk, krekt as syn ynhâlden reägearjen op stompen dy’t alle tsjinners fan it iepenbier bestjoer gauris krije.

Het boek mei in glimke van Rein Boersma is op dit moment op voorraad in ons magazijn. De prijs is € 11,00 incl. gratis bezorging thuis of op het werk.